Elbasani tronditet nga ngjarja e rëndë, gjendet i vrarë brenda automjetit të tij një person

21:32 | 30 Nëntor 2025
E.G

Një ngjarje e rëndë ka tronditur qytetin e Elbasanit mbrëmjen e sotme, ku raportohet se janë dëgjuar të shtëna me armë, ndërsa mësohet se një person ka humbur jetën si pasojë e plagëve të marra.

Sipas informacioneve të para, në brendësi të një automjeti është konstatuar një person i plagosur që më pas ka ndërruar jetë.

Makina e viktimës është gjetur e parkuar në afërsi të një pike karburanti. Ndërsa siç raporton rtsh mësohet se brenda autmjetit ka qenë edhe një person tjetër, gjendja shëndetësore ende nuk bëhet e ditur.

Ngjarja ka ndodhur pak minuta më parë të mbrëmjes së sotme, ndërsa policia ka mbërritur menjëherë në vendngjarje, duke izoluar zonën dhe duke nisur hetimet për kapjen e autorit apo autorëve.